«Բարսելոնան» 18-ամյա Ալարկոնի հրաժարագինը սահմանեց 400 միլիոն եվրո

«Բարսելոնան» երկարաձգել է պայմանագիրը 18-ամյա հարձակվող Անխել Ալարկոնի հետ, հաղորդում է կատալոնական ակումբի մամուլի ծառայությունը։ Նոր պայմանագիրը նախատեսված է մինչեւ 2025թ․ հունիս։ Իսպանացի ֆուտբոլիստի հրաժարագինը սահմանվել է 400 միլիոն եվրո։

Ալարկոնը 2018-ին «Էսպանյոլի» ակադեմիայից է տեղափոխվել «Բարսելոնայի» ակադեմիա։

Նրան գլխավոր թիմ է հրավիրել իսպանացի գլխավոր մարզիչ Չավին։ Նորամուտը գլխավոր թիմում Ալարկոնը նշել է այս ամիս, Իսպանիայի գավաթի խաղարկության 1/8 եզրափակիչում։

«Բարսելոնան» 4:0 հաշվով հաղթել էր «Սեուտային», Ալարկոնը փոխարինման էր դուրս եկել 80-րդ րոպեին։

Հետևեք NEWS.am SPORT-ին Facebook-ում, Twitter և Telegram-ում