13:53  ,  26 հունվարի, 2023

«Ռոման» տեսանյութով շնորհավորել է Մոուրինյոյին 60-ամյակի առթիվ

Իտալական «Ռոման» տեսանյութով շնորհավորել է թիմի պորտուգալացի գլխավոր մարզիչ Ժոզե Մոուրինյոյին ծննդյան 60-րդ տարեդարձի կապակցությամբ։

Մոուրինյոն 2021 թվականից է գլխավորում հռոմեական թիմը, որի հետ նվաճել է Կոնֆերենցիաների լիգայի գավաթը։

Այս մրցաշրջանում «Ռոման» դուրս է եկել Եվրոպայի լիգայի 1/16 եզրափակիչ եւ կմրցի ավստրիական «Զալցբուրգի» հետ։

Մարզչական կարիերայի ընթացքում Մոուրինյոն պորտուգալական «Պորտուի» հետ նվաճել է Չեմպիոնների լիգայի եւ ՈւԵՖԱ-ի գավաթները, Լոնդոնի «Չելսիի» հետ դարձել է Անգլիայի եռակի չեմպիոն, Միլանի «Ինտերի» հետ՝ Իտալիայի կրկնակի չեմպիոն, Չեմպիոնների լիգայի գավաթակիր, Մադրիդի «Ռեալի» հետ՝ Իսպանիայի չեմպիոն, գավաթակիր եւ սուպերգավաթակիր, «Մանչեսթեր Յունայթեդի» հետ՝ Եվրոպայի լիգայի գավաթակիր, Անգլիայի սուպերգավաթակիր, Անգլիական լիգայի գավաթակիր։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English