Էդին Ջեկո․ Երջանիկ եմ «Ինտերում», կարիերաս ավարտելու մասին չեմ մտածել

Իտալիայի փոխչեմպիոն Միլանի «Ինտերի» 36-ամյա բոսնիացի հարձակվող Էդին Ջեկոն կարիերան ավարտելու մասին դեռ չի մտածում։ Նրա պայմանգիրն իտալական ակումբի հետ նախատեսված է մինչեւ այս մրցաշրջանի ավարտը։

«Ես երջանիկ եմ «Ինտերում», մտածում եմ մարզումներիս մասին։ Մնացածի մասին պատասխանատու են այլ մարդիկ։ Կարիերաս ավարտելու մասին չեմ մտածել եւ չեմ ցանկանում մտածել։ Ես զգում եմ, որ դեռ շատ բան կարող եմ տալ ֆուտբոլին։

Եթե կարողանանք հաջորդ խաղում հաղթել «Նապոլիին», ավելի մեծ վստահությամբ կանցկացնենք մրցաշրջանի մնացած հատվածը։ Սպալետին շատ ուժեղ մարզիչ է, բայց չէի սպասում, որ նրանք այսքան լավ հանդես կգան այս մրցաշրջանում։ Նրանք 15 խաղից 13-ում հաղթանակ են տարել»,- Ջեկոյի խոսքը մեջբերում է Sky Sport-ը։

Իտալիայի առաջնության 16-րդ տուրի «Ինտեր» - «Նապոլի» հանդիպումը տեղի կունենա հունվարի 4-ին։

Հետևեք NEWS.am SPORT-ին Facebook-ում, Twitter և Telegram-ում