Անգլիական «Մանչեսթեր Յունայթեդը» ընկերական խաղում հյուրընկալվեց Իսպանիայի առաջնության հետնապահներից «Կադիսին»։ Հոլանդացի Էրիկ տեն Հագի գլխավորած թիմը պարտություն կրեց 2:4 հաշվով։
Մանչեսթերյան թիմից աչքի ընկան Անտոնի Մարտիալն ու Կոբի Մայնուն։ «Կադիսի» գոլերը խփեցին Կառլոս Գարսիա-Դիեն, Էնտոնի Լոսանոն, Ռուբեն Սոբրինոն եւ Թոմաս Ալարկոնը։
Իսպանիայի առաջնության 14 խաղից հետո «Կադիսը» 11 միավորով 19-րդն է։ «Մանչեսթեր Յունայթեդը» Անգլիայի Պրեմիեր լիգայի 14 խաղում վաստակել է 26 միավոր եւ 5-րդ տեղում է։
Հետևեք NEWS.am SPORT-ին Facebook-ում, Twitter և Telegram-ում