21:47  ,  6 դեկտեմբերի, 2022

ԱԱ-2022․ Մարոկկոն պայքարից դուրս թողեց Իսպանիային (ֆոտո, վիդեո)

Աշխարհի առաջնության 1/8 եզրափակիչի նախավերջին խաղում մրցեցին Մարոկկոյի եւ Իսպանիայի հավաքականները։ Հիմնական եւ լրացուցիչ ժամանակում գոլ խփել թիմերը չկարողացան՝ 0:0 (տեսանյութ): 

Հսկայական տարածքային առավելություն ուներ Իսպանիան (77 տոկոս գնդակի վերահսկողություն), սակայն 2 հարված կատարեց դարպասին, իսկ Մարոկկոն կարողացավ 3 անգամ հարվածել դարպասին։

Հետխաղային 11-մետրանոցներով հաղթեց Մարոկկոն՝ 3:0 (տեսանյութ

Իսպանիայի թիմի հենց առաջին հարվածն անհաջող էր։ Ֆրանսիական ՊՍԺ-ի 30-ամյա հարձակվող Պաբլո Սարաբիան հարվածեց ուղղահայաց դարպասաձողին։ ՊՍԺ-ի երկրորդ ներկայացուցիչն էլ ձախողեց։ 25-ամյա կիսապաշտպան Կառլոս Սոլերի հարվածից հետո սեյվ կատարեց իսպանական «Սեւիլիայի» 31-ամյա դարպասապահ Բոնոն։ Իսպանիայի երրորդ հարվածն էլ ձախողեց «Բարսելոնայի» 34-ամյա կիսապաշտպան Սերխիո Բուսկետսը։

Մարոկկոյի թիմից 11-մետրանոցները հաջող իրացրեցին իտալական «Սամպդորիայի» 26-ամյա կիսապաշտպան Աբդելհամիդ Սաբիրին, Լոնդոնի «Չելսիի» 29-ամյա կիսապաշտպան Հակիմ Զիեշը եւ ՊՍԺ-ի 24-ամյա պաշտպան Աշրաֆ Հակիմին։ Վրիպեց միայն «Քաթար Էս Սի» ակումբի 29-ամյա պաշտպան Բադր Բենուն։

Մարոկկոն առաջին անգամ հանդես կգա քառորդ եզրափակիչում եւ կմրցի Պորտուգալիա - Շվեյցարիա զույգի հաղթողի հետ։ Այդ խաղը կմեկնարկի Երեւանի ժամանակով 23:00-ին։

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով