Ֆուտբոլի Արգենտինայի հավաքականի գլխավոր մարզիչ Լիոնել Սկալոնին մեկնաբանել է 2:1 հաշվով հաղթանակը Ավստրալիայի թիմի նկատմամբ աշխարհի առաջնության 1/8 եզրափակիչում։
«Մենք գոհ ենք արդյունքից։ Շատ բարդ հանդիպում էր։ Ավստրալիան ուժեղ ճնշում էր գործադրում, մեզնից ֆիզիկապես ուժեղ էին։ Մենք անցկացրինք աշխարհի առաջնության փլեյ-օֆֆին արժանի հանդիպում։ Նախորդ խաղից անցել էր 72 ժամից էլ քիչ։
Նիդեռլանդների հավաքականը կոշտ խաղ է ցուցադրում։ Ակնկալում եմ գերազանց խաղ երկու վաղեմի մրցակիցների միջեւ: Մեծ պատիվ է Վան Գալի նման մարզիչի հետ մրցելը»,- Լիոնել Սկալոնիի խոսքը մեջբերում է Marca-ն։
Աշխարհի առաջնության քառորդ եզրափակիչի Նիդեռլանդներ - Արգենտինա հանդիպումը տեղի կունենա դեկտեմբերի 9-ին եւ կմեկնարկի Երեւանի ժամանակով 23:00-ին։
Հետևեք NEWS.am SPORT-ին Facebook-ում, Twitter և Telegram-ում