Աշխարհի առաջնության խմբային փուլի երրորդ տուրի Լեհաստան - Արգենտինա հանդիպման գլխավոր մրցավարը կլինի հոլանդացի Դանի Մաքելին, հաղորդում է ՖԻՖԱ-ի կայքը։ Նրա կօգնեն հոլանդացինրեը Հեսել Ստեգստրան եւ Յան Դե Ֆրիսը։ VAR-ի մրցավարներն են հոլանդացի Պոլ վան Բուկելն ու գերմանացի Բաստիան Դանկերտը։
Սովորաբար, հարավամերիկյան եւ եվրոպական թիմերի խաղում ՖԻՖԱ-ն նախկինում խուսափել է նշանակել եվրոպացի մրցավարի, սակայն այս անգամ չգրված կանոնը չի պահպանվել։
Լեհաստան - Արգենտինա հանդիպումը տեղի կունենա նոյեմբերի 30-ին եւ կմեկնարկի Երեւանի ժամանակով 23:00-ին։
C խմբում Լեհաստանը 4 միավորով առաջինն է, Արգենտինան ու Սաուդյան Արաբիան ունեն 3-ական միավոր, Մեքսիկան՝ 1 միավոր։
Հետևեք NEWS.am SPORT-ին Facebook-ում, Twitter և Telegram-ում