Մեքսիկացի պրոֆեսիոնալ բռնցքամարտիկ, աշխարհի բացարձակ չեմպիոն Սաուլ Ալվարեսը Թվիթերում արած գրառումով սպառնացել է Ֆրանսիայի չեմպիոն ՊՍԺ-ի եւ Ամերիկայի գավաթակիր Արգենտինայի հավաքականի 35-ամյա հարձակվող Լիոնել Մեսիին Մեքսիկայի հավաքականի խաղաշապիկը տրորելու համար։
«Մեսին Մեքսիկայի հավաքականի խաղաշապիկով եւ երկրի դրոշով սրբել է հատակը։ Թող աղոթի Աստծուն, որ ես նրան չգտնեմ»,- գրել է Ալվարեսը։
Աշխարհի առաջնության խմբային փուլի երկրորդ տուրում Արգենտինայի հավաքականը Մեսիի գոլի եւ գոլային փոխանցման շնորհիվ 2:0 հաշվով հաղթել էր Մեքսիկայի հավաքականին։ Խաղից հետո արգենտինացիները հանդերձարանում ցնծությամբ նշել էին հաղթանակը։ Տեսանյութում երեւում է, որ Մեսին Մեքսիկայի հավաքականի խաղացողի հետ փոխանակած խաղաշապիկը գցել է հատակին եւ տրորել։
Argentina players were HYPE after beating Mexico
— ESPN FC (@ESPNFC) November 26, 2022
(via @Notamendi30) pic.twitter.com/VIFSoiqsZJ
Հետևեք NEWS.am SPORT-ին Facebook-ում, Twitter և Telegram-ում