Ֆրանսիայի չեմպիոն ՊՍԺ-ի եւ Ամերիկայի գավաթակիր Արգենտինայի հավաքականի հարձակվող Լիոնել Մեսիի ներկայացուցիչ Մարսելո Մենդեսը հերքել է լուրերը, թե 35-ամյա ֆուտբոլիստը կարիերան շարունակելու է ամերիկյան «Ինտեր Մայամիում»։
«Մեսիի տեղափոխության վերաբերյալ ոչ մի բանակցություն չի եղել։ Լուրերը, թե նա հաջորդ մրցաշրջանում հանդես է գալու «Ինտեր Մայամիում» սուտ են»,- Մենդեսի խոսքը մեջբերում է CNN-ը։
The Times-ը գրել է, որ Մեսին ազատ գործակալի կարգավիճակում հաջորդ ամռանը կմիանա «Ինտեր Մայամիին», որի համասեփականատերն անգլիացի Դեւիդ Բեքհեմն է։ Մեսիի պայմանագիրը ՊՍԺ-ի հետ նախատեսված է մինչեւ այս մրցաշրջանի ավարտը։ Դիտարկվում են փարիզյան ակումբի հետ համագործակցությունը երկարաձգելու կամ «Բարսելոնա» վերադառնալու տարբերակները։
Հետևեք NEWS.am SPORT-ին Facebook-ում, Twitter և Telegram-ում