Բրազիլիայի հավաքականի եւ «Բարսելոնայի» հարձակվող Ռաֆինյան անդրադարձել է բրազիլացի երկրպագուների մի մասի ուրախությանը ՊՍԺ-ի եւ Բրազիլիայի թիմի հարձակվող Նեյմարի վնասվածքի առթիվ։
«Բրազիլացի երկրպագուներն ուրախանում են, որ Նեյմարը վնասվածք է ստացել։ Բրազիլիան արժանի չէ Նեյմարի տաղանդին եւ ֆուտբոլին։ Նրա կարիերայում ամենամեծ սխալը Բրազիլիան ներկայացնելն է»,- Ռաֆինյայի խոսքը մեջբերում է Globo-ն։
Սերբիայի հավաքականի դեմ խաղում (2:0) Նեյմարը 9 հարված էր ստացել ոտքին եւ փոխարինվել 80-րդ րոպեին։ Քիչ հավանական է, որ նա կմասնակցի խմբային փուլի վերջին երկու խաղերին Շվեյցարիայի եւ Կամերունի թիմերի դեմ։
Հետևեք NEWS.am SPORT-ին Facebook-ում, Twitter և Telegram-ում