Գլեյզերների ընտանիքը «Մանչեսթեր Յունայթեդ» ֆուտբոլային ակումբի վաճառքից ակնկալում են առնվազն 5 միլիարդ ֆունտ ստերլինգ։ Գլխավոր հավակնորդը համարվում է բրիտանացի միլիարդատեր Ջիմ Ռեթքլիֆը, որը երկար տարիներ փորձում է ձեռք բերել Պրեմիեր լիգայի ակումբ, հաղորդում է The Telegraph-ը։ Ջիմ Ռեթքլիֆը 2019 թվականին 100 միլիոն եվրոյով ձեռք է բերել ֆրանսիական «Նիցա» ակումբը։
«Մանչեսթեր Յունայթեդը» վաճառելու մտադրության մասին պաշտոնական հայտարարությունից հետո ակումբի բաժնետոմսերի գինն աճել է 17 տոկոսով՝ ավելացնելով շուկայական կապիտալիզացիան 400 միլիոն դոլարով։
Գլեյզերների ընտանիքը «Մանչեսթեր Յունայթեդը» ձեռք է բերել 2005 թվականին 800 միլիոն դոլարով։
Հետևեք NEWS.am SPORT-ին Facebook-ում, Twitter և Telegram-ում