Ֆուտբոլի եվրոպական Չեմպիոնների լիգայում մեկնարկեցին խմբային փուլի չորրորդ տուրի հանդիպումները E, F, G, H խմբերում։
Անգլիայի չեմպիոն «Մանչեսթեր Սիթին» Դանիայում հյուրընկալվեց «Կոպենհագենին» եւ բավարարվեց ոչ ոքի արդյունքով՝ 0:0:
25-րդ րոպեին 11-մետրանոցը չկարողացավ արդյունավետ իրացնել հյուրերի ալժիրցի հարձակվող Ռիյադ Մահրեզը։ 5 րոպե անց վերջին հույսի խախտման համար հեռացվեց «Մանչեսթեր Յունայթեդի» իսպանացի կիսապաշտպան Սերխիո Գոմեսը։
Թվային առավելությունը գոլի վերածել «Կոպենհագենը» չկարողացավ։
G խմբում «Մանչեսթեր Սիթին» 10 միավորով առաջինն է եւ խմբային փուլի ավարտից երկու տուր առաջ գործնականում ապահովեց առնվազն երկրորդ տեղն ու փլեյ-օֆֆի ուղեգիրը։ «Կոպենհագենը» 2 միավորով երրորդն է։
Վերջին տեղում գտնվող իսպանական «Սեւիլիան» ունի 1 միավոր եւ երեք խաղ, սակայն առաջին տուրում մանչեսթերյան թիմին պարտվել է 0:4 հաշվով։
H խմբում սենսացիոն պարտություն կրեց Թուրինի «Յուվենտուսը», որը Իսրայելում մրցեց «Մաքաբի Հայֆայի» հետ։
Դաշտի տերերի կազմում դուբլի հեղինակ դարձավ իսրայելցի հարձակվող Օմեր Ատցիլին։
«Յուվենտուսը» 3 միավորով երրորդն է, «Մաքաբին» ունի նույնքան միավոր եւ վերջինն է։
Չեմպիոնների լիգա, չորրորդ տուր
G խումբ
«Կոպենհագեն» - «Մանչեսթեր Սիթի»՝ 0:0 (տեսանյութ)
Չիրացրած 11մ՝ Ռիյադ Մահրեզ («Մանչեսթեր Սիթի»), 25
Հեռացում՝ Սերխիո Գոմես («Մանչեսթեր Սիթի»), 30
«Բորուսիա Դորտմունդ» - «Սեւիլիա»՝ 23:00 (Երեւանի ժամանակ)
Մրցաշարային դրություն․ «Մանչեսթեր Սիթի»՝ 10 միավոր, «Բորուսիա Դորտմունդ» (3 խաղ)՝ 6, «Կոպենհագեն»՝ 2, «Սեւիլիա» (3 խաղ)՝ 1։
H խումբ
«Մաքաբի Հայֆա» - «Յուվենտուս»՝ 2։0 (տեսանյութ)
Օմեր Ատցիլի, 7, 42
ՊՍԺ - «Բենֆիկա»՝ 23:00
Մրցաշարային դրություն․ ՊՍԺ (3 խաղ)՝ 7 միավոր, «Բենֆիկա» (3 խաղ)՝ 7, «Յուվենտուս»՝ 3, «Մաքաբի Հայֆա»՝ 3։
E խումբ
«Միլան» - «Չելսի»՝ 23:00
«Դինամո Զագրեբ» - «Զալցբուրգ»՝ 23:00
Մրցաշարային դրություն․ «Զալցբուրգ»՝ 5 միավոր, «Չելսի»՝ 4, «Միլան»՝ 4, «Դինամո Զագրեբ»՝ 3։
F խումբ
«Շախտյոր Դոնեցկ» - «Ռեալ Մադրիդ»՝ 23:00
«Սելթիկ» - «ՌԲ Լայպցիգ»՝ 23:00
Մրցաշարային դրություն․ «Ռեալ»՝ 9 միավոր, «Շախտյոր»՝ 4, «ՌԲ Լայպցիգ»՝ 3, «Սելթիկ»՝ 1։
Հետևեք NEWS.am SPORT-ին Facebook-ում, Twitter և Telegram-ում