Իտալիայի առաջնության 9-րդ տուրում փոխչեմպիոն Միլանի «Ինտերը» հյուրընկալվեց «Սասուոլոյին»։ Իտալացի Սիմոնե Ինձագիի գլխավորած թիմը հաղթեց 2:1 հաշվով։
44-րդ րոպեին խաղի հաշիվը բացեց «Ինտերի» բոսնիացի հարձակվող Էդին Ջեկոն, որին գոլային փոխանցում կատարեց հոլանդացի պաշտպան Դենզել Դյումֆրիսը։
60-րդ րոպեին հավասարությունը վերականգնեց իտալացի կիսապաշտպան Դավիդե Ֆրատեսին։
«Ինտերի» հաղթական գոլը 75-րդ րոպեին խփեց Ջեկոն։ Գոլային փոխանցումը կատարեց Հայաստանի հավաքականի նախկին կիսապաշտպան Հենրիխ Մխիթարյանը, որը փոխարինման էր դուրս եկել 46-րդ րոպեին։
«Ինտերը» 15 միավորով 7-րդն է, «Սասուոլոն» 9-րդն է՝ 12 միավոր։
Իտալիայի առաջնություն, 9-րդ տուր
«Սասուոլո» - «Ինտեր»՝ 1:2 (տեսանյութ)
Դավիդե Ֆրատեսի, 60 - Էդին Ջեկո, 44, 75
«Միլան» - «Յուվենտուս»՝ 20:00 (Երեւանի ժամանակ)
«Բոլոնիա» - «Սամպդորիա»՝ 22:45
Հետևեք NEWS.am SPORT-ին Facebook-ում, Twitter և Telegram-ում