Իտալական «Ռոմայի» արգենտինացի հարձակվող Պաուլո Դիբալան մեկնաբանել է իսպանական «Բետիսից» կրած 1:2 հաշվով պարտությունը Եվրոպայի լիգայի խմբային փուլի երրորդ տուրի խաղում։
«Այնքան էլ լավ պրեսինգի չէինք դիմում տեխնիկապես լավ պատրաստված մրցակցի դեմ, սակայն հաշվի առնելով մեր ստեղծած բազմաթիվ գոլային պահերը՝ ցավալի է այս արդյունքը։
Մարզիչն ու թիմակիցներս շատ են ինձ օգնում։ Այս խաղում կարող էինք ավելի իրացնել հնարավորությունը։ Թերեւս, այնքան էլ արագ չէինք մտնում մրցակցի տուգանային հրապարակ»,- Դիբալայի խոսքը մեջբերում է ՈւԵՖԱ-ի մամուլի ծառայությունը։
Դիբալան գոլի հեղինակ էր դարձել՝ «Բետիսի» դարպասը գրավելով 11-մետրանոցից։
Եվրոպայի լիգա, երրորդ տուր, C խումբ
«Ռոմա» - «Բետիս»՝ 1:2 (տեսանյութ)
Պաուլո Դիբալա, 34, 11մ - Գվիդո Ռոդրիգես, 40, Լուիս Էնրիկե, 88
Հեռացում՝ Նիկոլո Ձանյոլո («Ռոմա»), 90+3
«ՀԻԿ Հելսինկի» - «Լուդոգորեց»` 1:1
Պերպարիմ Հետեմայ, 55 - Մատիաս Տիսերա, 10
Մրցաշարային դրություն․ «Բետիս»՝ 9 միավոր, «Լուդոգորեց»` 4, «Ռոմա»` 3, «ՀԻԿ Հելսինկի»` 1:
Հետևեք NEWS.am SPORT-ին Facebook-ում, Twitter և Telegram-ում