Չեմպիոնների լիգա․ Շաբաթվա լավագույն խաղացողը

Չեմպիոնների լիգայի խմբային փուլի երրորդ տուրի հանդիպումների արդյունքում՝ շաբաթվա լավագույն ֆուտբոլիստ է ճանաչվել գերմանական «ՌԲ Լայպցիգի» պորտուգալացի հարձակվող Անդրե Սիլվա, որը երկու գոլ էր խփել շոտլանդական «Սելթիկի» դեմ խաղում՝ 3:1։

Հավակնորդների քառյակում էին նաեւ․

Դորտմունդի «Բորուսիայի» անգլիացի կիսապաշտպան Ջուդ Բելինգեմ, որը գոլի եւ գոլային փոխանցման հեղինակ է դարձել իսպանական «Սեւիլիայի» դեմ խաղում, գերմանական թիմը հաղթել է 4:1 հաշվով։

Թուրինի «Յուվենտուսի» արգենտինացի կիսապաշտպան Անխել Դի Մարիա, որը երեք գոլային փոխանցում է կատարել իսրայելական «Մաքաբի Հայֆայի» դեմ խաղում, իտալական թիմը հաղթել է 3:1 հաշվով։

Իտալական «Նապոլիի» պաշտպան Ջովանի Դի Լորենցո, որը գոլի հեղինակ է դարձել Նիդեռլանդների չեմպիոն Ամստերդամի «Այաքսի» դեմ խաղում՝ 6:1։

Հետևեք NEWS.am SPORT-ին Facebook-ում, Twitter և Telegram-ում