ՈւԵՖԱ-ն ներկայացրել է ֆուտբոլի Չեմպիոնների լիգայի խմբային փուլի երրորդ տուրի հանդիպումների արդյունքում՝ շաբաթվա լավագույն ֆուտբոլիստի մրցանակի հավակնորդների քառյակը․
Դորտմունդի «Բորուսիայի» անգլիացի կիսապաշտպան Ջուդ Բելինգեմ, որը գոլի եւ գոլային փոխանցման հեղինակ է դարձել իսպանական «Սեւիլիայի» դեմ խաղում, գերմանական թիմը հաղթել է 4:1 հաշվով։
Թուրինի «Յուվենտուսի» արգենտինացի կիսապաշտպան Անխել Դի Մարիա, որը երեք գոլային փոխանցում է կատարել իսրայելական «Մաքաբի Հայֆայի» դեմ խաղում, իտալական թիմը հաղթել է 3:1 հաշվով։
Իտալական «Նապոլիի» պաշտպան Ջովանի Դի Լորենցո, որը գոլի հեղինակ է դարձել Նիդեռլանդների չեմպիոն Ամստերդամի «Այաքսի» դեմ խաղում՝ 6:1։
Գերմանական «ՌԲ Լայպցիգի» պորտուգալացի հարձակվող Անդրե Սիլվա, որը երկու գոլ է խփել շոտլանդական «Սելթիկի» դեմ խաղում՝ 3:1։
Քվեարկությունն անցկացվում է ՈւԵՖԱ-ի կայքում։
Հետևեք NEWS.am SPORT-ին Facebook-ում, Twitter և Telegram-ում