Իսպանիայի չեմպիոն Մադրիդի «Ռեալի» բելգիացի դարպասապահ Տիբո Կուրտուան ռադիկուլիտի (նստանյարդաբորբ) պատճառով դուրս է մնացել իտալացի Կառլո Անչելոտիի գլխավորած թիմի հայտացուցակից, հաղորդում է AS-ը։
Նա չի մասնակցի ուկրաինական «Շախտյոր Դոնեցկի» դեմ Չեմպիոնների լիգայի երրորդ տուրի տնային խաղին։
Հայտավորված են դարպասապահներ Անդրեյ Լունինը, Լուիս Լոպեսը եւ Լուկաս Կանյիսարեսը։
30-ամյա Տիբո Կուրտուայի ապաքինման ժամկետը հայտնի չէ։
«Օսասունայի» դեմ Իսպանիայի առաջնության նախորդ տուրում «Ռեալի» դարպասապահն ուկրաինացի Լունինն է, որ ստացել էր ամենացածր գնահատականը։ Խաղն ավարտվել էր ոչ ոքի՝ 1:1։
«Ռեալ» - «Շախտյոր» հանդիպումը տեղի կունենա հոկտեմբերի 5-ին եւ կմեկնարկի Երեւանի ժամանակով 23:00-ին։
¡Nuestros convocados para el partido @FCShakhtar!#UCL pic.twitter.com/qQVSmGTnuw
— Real Madrid C.F. (@realmadrid) October 4, 2022
Հետևեք NEWS.am SPORT-ին Facebook-ում, Twitter և Telegram-ում