«Ինտերը» պարտվեց «Ռոմային», Մխիթարյանը խաղաց նախկին թիմի դեմ (ֆոտո, վիդեո)

Իտալիայի առաջնության 8-րդ տուրում փոխչեմպիոն «Ինտերը» Միլանում ընդունեց «Ռոմային»։ Իտալացի Սիմոնե Ինձագիի գլխավորած թիմը պարտություն կրեց 1:2 հաշվով։

10-րդ րոպեին իր նախկին թիմի դարպասը գրավեց «Ինտերի» բոսնիացի հարձակվող Էդին Ջեկոն, սակայն VAR համակարգն արձանագրեց խաղից դուրս վիճակ։

30-րդ րոպեին խաղի հաշիվը բացեց «Ինտերի» իտալացի պաշտպան Ֆեդերիկո Դիմարկոն, որին գոլային փոխանցում կատարեց իտալացի կիսապաշտպան Նիկոլո Բարելան։

Il primo gol a San Siro con la maglia nerazzurra non si scorda mai #ForzaInter pic.twitter.com/Y2KXKn7nVn

— Inter (@Inter) October 1, 2022

Something to build on!
#ASRoma #InterRoma pic.twitter.com/MF4mm5NaAK

— AS Roma English (@ASRomaEN) October 1, 2022

9 րոպե անց հավասարությունը վերականգնեց հռոմեական թիմի արգենտինացի հարձակվող Պաուլո Դիբալան, որն օգտվեց իտալացի պաշտպան Լեոնարդո Սպինացոլայի փոխանցումից։

#ASRoma #InterRoma pic.twitter.com/hu9cw7SgPz

— AS Roma English (@ASRomaEN) October 1, 2022

75-րդ րոպեին պորտուգալացի Ժոզե Մոուրինյոյի գլխավորած թիմի հաղթական գոլը խփեց անգլիացի պաշտպան Կրիս Սմոլինգը։ Արդյունավետ փոխանցումը կատարեց իտալացի կիսապաշտպան Լորենցո Պելեգրինին։

Մոուրինյոն որակազրկված էր այս խաղում, եւ գլխավոր մարզիչի պարտականությունները կատարեց 34-ամյա իտալացի Սալվատորե Ֆոտին։

Հայաստանի հավաքականի նախկին կիսապաշտպան Հենրիխ Մխիթարյանն «Ինտերի» պահեստայինների թվում էր եւ 77-րդ րոպեին փոխարինեց ալբանացի կիսապաշտպան Կրիստիան Ասլանիին՝ խաղալով իր նախկին թիմի դեմ։

Mkhitaryan Asllani pic.twitter.com/7JprhcW6tL

— Inter (@Inter) October 1, 2022

«Ռոման» 16 միավորով բարձրացավ չորրորդ տեղ, «Ինտերը» 7-րդն է՝ 12 միավոր։

Իտալիայի առաջնություն, 8-րդ տուր

«Ինտեր» - «Ռոմա»՝ 1:2 (տեսանյութ)

Ֆեդերիկո Դիմարկո, 30 - Պաուլո Դիբալա, 39, Կրիս Սմոլինգ, 76

pic.twitter.com/g4OXdxeRnm

— AS Roma (@OfficialASRoma) October 1, 2022

pic.twitter.com/2hwzeL6Btx

— AS Roma (@OfficialASRoma) October 1, 2022

Հետևեք NEWS.am SPORT-ին Facebook-ում, Twitter և Telegram-ում