Տեն Հագ․ «Մանչեսթեր Յունայթեդը» ճիշտ ուղու վրա է, բայց պետք է ավելի լավ աշխատել

«Մանչեսթեր Յունայթեդի» հոլանդացի գլխավոր մարզիչ Էրիկ տեն Հագը անգլիական Պրեմիեր լիգայի սեպտեմբերի լավագույն մարզիչի մրցանակը ստանալուց հետո հայտարարել է, որ պետք է ավելի լավ աշխատել։

Պրեմիեր լիգայի ամսվա լավագույն ֆուտբոլիստի մրցանակին արժանացել էր «Մանչեսթեր Յունայթեդի» անգլիացի հարձակվող Մարկուս Ռեշֆորդը։

«Այս մրցանակը բոլորիս նվաճումն է։ «Մանչեսթեր Յունայթեդը» ճիշտ ուղու վրա է։ Կատարելագործվելու համար կան շատ հնարավորություններ, եւ մենք դա պետք է անենք։ Պետք է ավելի լավ աշխատել»,- Տեն Հագի խոսքը մեջբերում է ակումբի մամուլի ծառայությունը։

«Մանչեսթեր Յունայթեդը» Պրեմիեր լիգայում 4 անընդմեջ հաղթանակ է տարել եւ 6 տուրից հետո 12 միավորով 5-րդն է։

Հետևեք NEWS.am SPORT-ին Facebook-ում, Twitter և Telegram-ում