Ռոնալդուի մայրը որդուն հորդորել է վերադառնալ «Սպորտինգ»

Անգլիական «Մանչեսթեր Յունայթեդի» եւ Պորտուգալիայի հավաքականի 37-ամյա հարձակվող Կրիշտիանու Ռոնալդուի մայրը ցանկանում է որդուն դարձյալ տեսնել Լիսաբոնի «Սպորտինգում»։

«Որդուս ասել եմ, որ ցանկանում եմ մինչեւ մահս նրան դարձյալ տեսնել «Սպորտինգում»։ Այս տարին դրա համար չէր, բայց հաջորդ տարի ամեն ինչ կարող է պատահել։

Ռոնալդուի որդին արդեն ասել է, որ ցանկանում է ապրել Լիսաբոնում եւ խաղալ «Սպորտինգում»։ Երազանքս է երկուսին միաժամանակ տեսնել «Սպորտինգում»»,- Մարիա Դոլորեշ դուշ Սանտուշ Ավեյրուի խոսքը մեջբերում է Nova Genta-ն։

Կրիշտիանու Ռոնալդուն «Սպորտինգի» սան է, 2003-ին տեղափոխվել է «Մանչեսթեր Յունայթեդ»։ Նրա որդին այժմ խաղում է մանչեսթերյան ակումբի ակադեմիայում։

Հետևեք NEWS.am SPORT-ին Facebook-ում, Twitter և Telegram-ում