«Մեծ սաղավարտի» մրցաշարերի 23-ակի հաղթող, կարիերան ավարտած ամերիկացի Սերենա Ուիլյամսը պատմել է, որ շատ է մտերմացել ռուսաստանցի Մարիա Շարապովան, որը նույնպես ավարտել է կարիերան, արդեն երկար տարիներ ապրում է ԱՄՆ-ում, վերջերս մայր է դարձել։
«Հիմա Մարիա Շարապովան է իմ լավագույն ընկերուհին։ Ներիր Կարոլինա Վոզնյացկի։ Մարիան առաջինն է, ում կարող եմ զանգել եւ քննարկել առօրյա գործեր։ Մայրությունը մեզ շատ է մտերմացրել։ Մենք նաեւ ընդհանուր մոտեցումներ ունենք որոշ ոլորտներում ներդրումների հարցով»,- Սերենա Ուիլյամսի խոսքը մեջբերում է Tennis up to date-ը։
Սերենա Ուիլյամսը կարիերայի ընթացքում նվաճել է WTA շարքի 73 տիտղոս մենախաղում, 23 տիտղոս՝ զուգախաղում։
Հետևեք NEWS.am SPORT-ին Facebook-ում, Twitter և Telegram-ում