Արոնյանը հաղթեց Իվանչուկին, դուրս եկավ 1/4 եզրափակիչ եւ կխաղա Կարլսենի հետ

Շախմատի Հայաստանի հավաքականի նախկին առաջատար (ԱՄՆ) Լեւոն Արոնյանը դուրս եկավ Julius Baer Generation Cup օնլայն մրցաշարի քառորդ եզրափակիչ։

Նախնական փուլի վերջին երեք տուրերում Լեւոն Արոնյանը հաղթեց հնդիկ Պրագնանադհային, ոչ ոքի խաղաց խորվաթ Իվան Սարիչի հետ, պարտության մատնեց ուկրաինացի Վասիլի Իվանչուկին եւ 21 միավորով (հաղթանակի համար տրվում էր 3 միավոր, ոչ ոքիի համար՝ 1 միավոր) գրավեց 8-րդ տեղը։

Կիսաեզրափակիչի ուղեգրի համար Լեւոն Արոնյանը կմրցի նախնական փուլում առաջին տեղը գրաված աշխարհի չեմպիոն, նորվեգացի Մագնուս Կարլսենի հետ։

Julius Baer Generation Cup-ի մրցանակային հիմնադրամը 150 հազար դոլար է։ Meltwater Champions Chess Tour-ի ընդհանուր մրցանակային հիմնադրամը 1,6 միլիոն դոլար է։

Julius Baer Generation Cup-ը Meltwater Champions Chess Tour-ի 9 մրցաշարերից 7-րդն է։

It's Carlsen-Aronian, Erigaisi-Yoo, Niemann-Le and Praggnanandhaa-Keymer in tomorrow's #JuliusBaerGenerationCup quarterfinals! Anish Giri just missed out: https://t.co/j0TZJjlSft #ChessChamps pic.twitter.com/MijBeI0G1e

— chess24.com (@chess24com) September 21, 2022

Հետևեք NEWS.am SPORT-ին Facebook-ում, Twitter և Telegram-ում