Հայաստանի ներկայացուցիչ Արսեն Խանջյանը նվաճել է Սերբիայի Նովի Սադ քաղաքում անցկացվող սամբոյի Եվրոպայի առաջնության չեմպիոնի կոչումը, հաղորդում է ՀՍՖ-ի մամուլի ծառայությունը։
Աշխարհի ու Եվրոպայի չեմպիոն Արսեն Խանջյանը մարզական սամբոյի 98 կգ քաշային կարգում մեկնարկել է 6:2 հաշվով հաղթանակով Իսրայելի ներկայացուցիչ Սիմոն Իոսիֆի նկատմամբ։
Երկրորդ գոտեմարտում հայ սամբիստի մրցակիցը ադրբեջանցի էր, որին Արսենը հաղթեց ընդամենը կես րոպեում՝ վաղաժամ արձանագրելով մաքուր հաղթանակ:
Երրորդ գոտեմարտում Արսեն Խանջյանը 2:1 հաշվով պարտության է մատնել Բելառուսի ներկայացուցիչ Լեսիակիին։
Եզրափակիչում Արսեն Խանջյանը 3:1 հաշվով հաղթել է ռուսաստանցի Վյաչեսլավ Միխայլինին։
Մարտական սամբոյի 58 կգ քաշային Համլետ Սուքիասյանը նվաճել է արծաթե մեդալ:
Հետևեք NEWS.am SPORT-ին Facebook-ում, Twitter և Telegram-ում