«Նապոլիի» վրացի կիսապաշտպան Խվիչա Կվարացխելիան ճանաչվել է Իտալիայի առաջնության ամսվա լավագույն խաղացող օգոստոսին տեղի ունեցած հանդիպումների արդյունքում, հաղորդում է A Սերիայի կայքը։
Իտալական թիմի նորեկը օգոստոսին մասնակցել է չորս հանդիպման, խփել երեք գոլ, կատարել մեկ գոլային փոխանցում։
Խվիչա Կվարացխելիան Իտալիայի առաջնության ամսվա լավագույն խաղացող էր ճանաչվել նաեւ Իտալիայի ֆուտբոլիստների ասոցիացիայի վարկածով։
Իտալիայի առաջնության 5 տուրից հետո «Նապոլին» 11 միավորով երկրորդ տեղում է եւ 2 միավոր է հետ առաջատար «Ատալանտայից»։
Հետևեք NEWS.am SPORT-ին Facebook-ում, Twitter և Telegram-ում