Մյունխենում ընթացող սպորտային մարմնամարզության Եվրոպայի առաջնությունում օղակների վարժությունում Հայաստանը մեդալ չնվաճեց: Եզրափակիչ դուրս եկած Վահագն Դավթյանը 14.766 միավորով զբաղեցրեց չորրորդ տեղը, Արթուր Ավետիսյանը 13.733 միավորով 8-րդն է:
Օղակների վարժությունում 6-րդ անգամ Եվրոպայի չեմպիոնի տիտղոսը նվաճեց Ռիոյի Օլիմպիական խաղերի չեմպիոն, աշխարհի եռակի, Եվրոպայի 5-ակի չեմպիոն, հույն Էլեֆտերիոս Պետրոունիասը:
Ավելի վաղ նժույգ թափեր վարժությունում երկրորդ անգամ Եվրոպայի չեմպիոնի տիտղոսը նվաճեց Հարություն Մեդրնյանը:
Հետևեք NEWS.am SPORT-ին Facebook-ում, Twitter և Telegram-ում