Wayne Rooney on Mbappé: “A 23 year old player throwing his shoulder at Messi?... I have never seen a bigger ego than this in my life. Someone remind Mbappe, when Messi was 22 years old, he had four Ballon d'Ors.”
— Sara (@SaraFCBi) August 18, 2022
pic.twitter.com/7E1PSfJitG
Անգլիայի հավաքականի եւ «Մանչեսթեր Յունայթեդի» նախկին ֆուտբոլիստ, ամերիկյան «Դի Սի Յունայթեդի» գլխավոր մարզիչ Ուեյն Ռունին քննադատել է Ֆրանսիայի չեմպիոն ՊՍԺ-ի եւ աշխարհի չեմպիոն Ֆրանսիայի հավաքականի 23-ամյա հարձակվող Կիլիան Մբապեին ակումբակից, արգենտինացի հարձակվող Լիոնել Մեսիին խաղադաշտում ուսով հրելով եւ ներողություն չխնդրելու համար։ Դրանից հետո Մբապեն մոտեցել էր բրազիլացի հարձակվող Նեյմարին եւ դժգոհել, որ ինքը չի իրացնում 11-մետրանոցը։
Ֆրանսիայի առաջնության երկրորդ տուրի այդ խաղում ՊՍԺ-ն 5:1 հաշվով հաղթել էր «Մոնպելիեին», Նեյմարը դարձել էր հեթ-տրիկի հեղինակ, Մբապեն մեկ գոլ էր խփել։
«23-ամյա Մբապեն մարտահրավեր է նետում Մեսիին։ Կյանքում ավելի մեծ էգո չեմ տեսել։ Մբապեին պետք է հիշեցնե, որ Մեսին 23 տարեկանում արդեն 4 «Ոսկե գնդակ» ուներ»,- Ռունիի խոսքը մեջբերում է Globo Esporte-ն։
Մբապեի հարաբերությունները Նեյմարի եւ Մեսիի հետ քննարկվել են ՊՍԺ-ի ղեկավարության եւ մարզչական շտաբի հետ։ Թիմի մարզական տնօրեն Լուկաս Կամպոսը հատուկ հանդիպում է կազմակերպել եւ փորձել հարթել տարաձայնությունները։
Պետք է նշել, որ Մեսին 25 տարեկանում է ստացել չորրորդ «Ոսկե գնդակը»:
Wayne Rooney on Mbappé: “A 23-year-old player throwing his shoulder at Messi?... I have never seen a bigger ego than this in my life. Someone remind Mbappe, when Messi was 22 years old, he had four Ballon d'Ors.”
— iR Sport (@iRSport_) August 18, 2022
pic.twitter.com/q9ehLxn9L0
Հետևեք NEWS.am SPORT-ին Facebook-ում, Twitter և Telegram-ում