Անգլիայի Պրեմիեր լիգայի երկրորդ տուրում «Մանչեսթեր Յունայթեդը» հյուրընկալվեց «Բրենթֆորդին»։ Հոլանդացի Էրիկ տեն Հագի գլխավորած թիմը խայտառակ պարտություն կրեց 0:4 հաշվով՝ գոլերը բաց թողնելով առաջին խաղակեսում, 25 րոպեի ընթացքում։
Աչքի ընկան անգլիացի կիսապաշտպան Ջոշ դա Սիլվան, դանիացի կիսապաշտպան Մատիաս Իենսենը, անգլիացի պաշտպան Բեն Մին եւ ֆրանսիացի կիսապաշտպան Բրայան Մբեմոն։
37-ամյա պորտուգալացի հարձակվող Կրիշտիանու Ռոնալդուն «Մանչեսթեր Յունայթեդի» մեկնարկային կազմում էր եւ անցկացրեց ամբողջ հանդիպումը։
«Մանչեսթեր Յունայթեդն» առաջին տուրում 1:2 հաշվով պարտվել էր «Բրայթոնին» եւ վերջին տեղում է։ Հաջորդ տուրում մանչեսթերյան թիմը «Օլդ Տրաֆորդում» օգոստոսի 22-ին կընդունի փոխչեմպիոն «Լիվերպուլին»։ «Բրենթֆորդը» 4 միավորով երրորդն է։
Անգլիայի առաջնություն, երկրորդ տուր
«Բրենթֆորդ» - «Մանչեսթեր Յունայթեդ»՝ 4:0 (տեսանյութ)
Ջոշ դա Սիլվա, 10, Մատիաս Իենսեն, 18, Բեն Մի, 30, Բրայան Մբեմո, 35
HALF-TIME Brentford 4-0 Man Utd
— Premier League (@premierleague) August 13, 2022
Brentford are cruising after a commanding opening half display #BREMUN pic.twitter.com/GCf5cELHv8
Հետևեք NEWS.am SPORT-ին Facebook-ում, Twitter և Telegram-ում