«Ոսկե գնդակ»․ Կիլիան Մբապեի ֆավորիտները

Ֆրանսիայի չեմպիոն ՊՍԺ-ի եւ աշխարհի չեմպիոն Ֆրանսիայի հավաքականի հարձակվող Կիլիան Մբապեն նշել է «Ոսկե գնդակի» այս տարվա ֆավորիտներին։

«Իմ եռյակը հետեւյալն է․ Քարիմ Բենզեման, ես եւ Սադիո Մանեն։ Հաջող մրցաշրջան էր Բենզեմայի համար։ Նա 34 տարեկան է, նոր է նվաճել Չեմպիոնների լիգայի եւս մեկ գավաթ։ Նրա փոխարեն ես այլեւս չէի մտածի «Ոսկե գնդակի» մասին, եթե այս անգամ էլ չստանայի մրցանակը։ Գլխավոր ֆավորիտը Քարիմն է»,- Մբապեի խոսքը մեջբերում է GFFN-ը։

France Football պարբերականը հրապարակել է «Ոսկե գնդակի» 30 հավակնորդների ցուցակը։ Ֆրանսիայի չեմպիոն ՊՍԺ-ի եւ Արգենտինայի հավաքականի հարձակվող, «Ոսկե գնդակի» 7-ակի դափնեկիր Լիոնել Մեսին չի ընդգրկվել՝ 17 տարում առաջին անգամ։

Դարպասապահներ (2)․ Տիբո Կուրտուա («Ռեալ», Բելգիա), Միկ Մենիան («Միլան», Ֆրանսիա)։

Պաշտպաններ (4)․ Տրենտ Ալեքսանդր-Առնոլդ («Լիվերպուլ», Անգլիա), Ժոաու Կանսելու («Մանչեսթեր Սիթի», Պորտուգալիա), Անտոնիո Ռյուդիգեր («Չելսի»/«Ռեալ», Գերմանիա), Վիրջիլ վան Դեյք («Լիվերպուլ», Նիդեռլանդներ)։

Կիսապաշտպաններ (9)․ Ջոշուա Կիմիխ («Բավարիա», Գերմանիա), Կրիստոֆեր Նկունկու («ՌԲ Լայպցիգ», Ֆրանսիա), Բերնարդու Սիլվա («Մանչեսթեր Սիթի», Պորտուգալիա), Կազեմիրո («Ռեալ», Բրազիլիա), Կեւին դե Բրույնե («Մանչեսթեր Սիթի», Բելգիա), Ֆաբինյո («Լիվերպուլ», Բրազիլիա), Ֆիլիպ Ֆոդեն («Մանչեսթեր Սիթի», Անգլիա), Ռիյադ Մահրեզ («Մանչեսթեր Սիթի», Ալժիր), Լուկա Մոդրիչ («Ռեալ», Խորվաթիա)։

Հարձակվողներ (15)․ Ռաֆայել Լեաու («Միլան», Պորտուգալիա), Մոհամեդ Սալահ («Լիվերպուլ», Եգիպտոս), Լուիս Դիաս («Լիվերպուլ», Կոլումբիա), Վինիսիուս Ժունիոր («Ռեալ», Բրազիլիա), Ռոբերտ Լեւանդովսկի («Բավարիա»/«Բարսելոնա», Լեհաստան), Քարիմ Բենզեմա («Ռեալ», Ֆրանսիա), Կրիշտիանու Ռոնալդու («Մանչեսթեր Յունայթեդ», Պորտուգալիա), Էրլինգ Հոլանդ («Բորուսիա Դ․» /«Մանչեսթեր Սիթի», Նորվեգիա), Սեբաստիեն Ալեր («Այաքս» / «Բորուսիա Դ․», Կոտ դ’Իվուար), Հարի Քեյն («Տոտենհեմ», Անգլիա), Սադիո Մանե («Լիվերպուլ»/«Բավարիա», Սենեգալ), Կիլիան Մբապե (ՊՍԺ, Ֆրանսիա), Դարվին Նունիես («Բենֆիկա»/«Լիվերպուլ», Ուրուգվայ), Սոն Հին Մին («Տոտենհեմ», Հարավային Կորեա), Դուշան Վլահովիչ («Ֆիորենտինա»/«Յուվենտուս», Սերբիա)։

Հետևեք NEWS.am SPORT-ին Facebook-ում, Twitter և Telegram-ում