20:39  ,  8 օգոստոսի, 2022

Օլիմպիադա․ Հայաստանի հավաքականների մրցակիցները վերջին տուրում

Հնդկաստանի Չենայ քաղաքում ավարտին մոտեցող շախմատի Համաշխարհային օլիմպիադայի վերջին տուրում օգոստոսի 9-ին Հայաստանի հավաքականի մրցակիցը կլինի Իսպանիայի հավաքականը։

Նախորդ տուրերում Հայաստանի հավաքականը հաղթել է Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5), Հնդկաստանի երկրորդ թիմին (2,5:1,5) եւ գլխավոր հավաքականին (2,5:1,5), Ադրբեջանին (3:1), ոչ ոքի խաղացել ԱՄՆ-ի հետ, պարտվել Ուզբեկստանին (1:3):

Հայաստանն ու Ուզբեկստանը 17-ական միավորով կիսում են առաջին տեղը։ Ուզբեկստանի հավաքականը վերջին տուրում կմրցի Նիդեռլանդների հավաքականի հետ։

Իսպանիայի հավաքականը նախորդ տուրերում հաղթել է Ուելսին (4:0), Բելգիային (3,5:0,5), Բրազիլիային (3:1), Հնդկաստանի երրորդ (2,5:1,5) թիմին, Եգիպտոսին (3,5:0,5), Դանիային (3:1), Չեխիային (2,5:1,5), ոչ ոքի խաղացել Կուբայի հետ (2:2), պարտվել Հնդկաստանի երկրորդ թիմին (1,5:2,5) եւ Ղազախստանին (1,5:2,5) եւ 15 միավորով բաժանում է 6-11-րդ տեղերը։

Կանանց Հայաստանի թիմը վերջին տուրում կմրցի Խորվաթիայի հավաքականի հետ։ Երկու թիմերն էլ ունեն 14 միավոր եւ բաժանում են 11-21-րդ տեղերը։

Հետևեք NEWS.am SPORT-ին Facebook-ում, Twitter և Telegram-ում