Հնդկաստանի Չենայ քաղաքում անցկացվող շախմատի Համաշխարհային օլիմպիադայի 9-րդ տուրում Հայաստանի հավաքականը մրցեց Ուզբեկստանի թիմի հետ եւ պարտվեց 1:3 հաշվով։
Գաբրիել Սարգսյանը սեւ ֆիգուրներով ոչ ոքի խաղաց արագ շախմատի աշխարհի չեմպիոն, 17-ամյա Նոդիրբեկ Աբդուսատորովի։ Հրանտ Մելքումյանը սպիտակներով միավորը կիսեց Նոդիրբեկ Յակուբոեւի հետ։
Սամվել Տեր-Սահակյանը պարտվեց Ջավոխիր Սինդարովին, Ռոբերտ Հովհաննիսյանը՝ Ջախոնգիր Վախիդովին։
Ուզբեկստանը 16 միավորով գլխավորեց մրցաշարային աղյուսակը։ Հայաստանի հավաքականը եւ Հնդկաստանի երկրորդ թիմն ունեն 15-ական միավոր։
Նիդեռլանդների, Թուրքիայի, Հնդկաստանի, Ադրբեջանի, Իրանի, Սերբիայի եւ ԱՄՆ-ի հավաքականները վաստակել են 14-ական միավոր։
Հայաստանի հավաքականը նախորդ տուրերում հաղթել է Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5), Հնդկաստանի երկրորդ թիմին (2,5:1,5) եւ գլխավոր հավաքականին (2,5:1,5), ոչ ոքի խաղացել ԱՄՆ-ի հետ:
Օլիմպիադայի ավարտին մնացել է երկու տուր։
Round 9 of the #ChessOlympiad saw Uzbekistan take the sole lead with 2 rounds to go, with Armenia and India 2 now 1 point behind! https://t.co/GZAc2hOiD4 #c24live pic.twitter.com/9KWbW966vK
— chess24.com (@chess24com) August 7, 2022
Հետևեք NEWS.am SPORT-ին Facebook-ում, Twitter և Telegram-ում