11:06  ,  3 օգոստոսի, 2022

Կարեն Խաչանովը հաղթանակով մեկնարկեց Վաշինգտոնի մրցաշարում

Ռուսաստանցի Կարեն Խաչանովը հաղթանակով մեկնարկեց ԱՄՆ-ի մայրաքաղաք Վաշինգտոնում անցկացվող ATP-500 շարքի մրցաշարում։ Հայ թենիսիստը պայքարը սկսել է երկրորդ շրջանից եւ 6:7 (3:7), 7:5, 6:4 հաշվով առավելության է հասել գերմանացի Դոմինիկ Կյոպֆերի նկատմամբ։ Պայքարը տեւել է 2 ժամ եւ 46 րոպե։

Քառորդ եզրափակիչի ուղեգրի համար Կարեն Խաչանովը կմրցի Ալեքս դե Մինոր (Ավստրալիա) - Յոսիհիտո Նիսիոկա (Ճապոնիա) զույգի հաղթողի հետ։

Վաշինգտոնի մրցաշարի մրցանակային հիմնադրամը 1,9 միլիոն դոլար է։

Հետևեք NEWS.am SPORT-ին Facebook-ում, Twitter և Telegram-ում