23:21  ,  26 հուլիսի, 2022

ՉԼ․ «Փյունիկը» 4:1 հաշվով հաղթեց «Դյուդելանժին» եւ դուրս եկավ երրորդ փուլ

Ֆուտբոլի Հայաստանի չեմպիոն Երեւանի «Փյունիկը» Չեմպիոնների լիգայի որակավորման երկրորդ փուլի պատասխան խաղում հյուրընկալվեց Լյուքսեմբուրգի «Դյուդելանժին»։ Եղիշե Մելիքյանի գլխավորած թիմը կամային հաղթանակ տարավ 4:1 հաշվով եւ դուրս եկավ երրորդ փուլ՝ առաջինը Հայաստանի ակումբներից։

«Դյուդելանժը» խաղի հաշիվը բացեց 21-րդ րոպեին։ Աչքի ընկավ Մարոկկոն ներկայացնող հարձակվող Մոհսին Հասանը։

24-րդ րոպեին հավասարությունը վերականգնեց «Փյունիկի» բրազիլացի պաշտպան Ժունինյոն։

54-րդ րոպեին «Փյունիկի» երկրորդ գոլը խփեց բոսնիացի հարձակվող Լուկա Յուրիչիչը։

76-րդ րոպեին հաշիվը 3:1 դարձրեց նիգերիացի հարձակվող Յուսուֆ Օտուբանջոն։

85-րդ րոպեին դուբլ ձեւակերպեց Լուկա Յուրիչիչը։

Երեւանում տեղի ունեցած առաջին խաղում «Դյուդելանժը» հաղթել էր 1:0 հաշվով։

Որակավորման երրորդ փուլում «Փյունիկը» կմրցի սերբական «Ցրվենա Զվեզդայի» հետ։

Չեմպիոնների լիգա, որակավորման երկրորդ փուլ, պատասխան խաղ

«Դյուդելանժ» (Լյուքսեմբուրգ) - «Փյունիկ» (Հայաստան)՝ 1:4 (առաջին խաղ՝ 1:0)

Մոհսին Հասան, 21 - Ժունինյո, 24, Լուկա Յուրիչիչ, 54, 85, Յուսուֆ Օտուբանջո, 76

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով