13:13  ,  26 հուլիսի, 2022

Հայաստանը միակ եվրոպական երկիրը կլինի «Ասիայի երեխաներ» մարզական խաղերում

Ռուսաստանի Վլադիվոստոկ քաղաքում հուլիսի 27-ից օգոստոսի 8-ն անցկացվելիք «Ասիայի երեխաներ» 7-րդ միջազգային մարզական խաղերում Հայաստանը կլինի միակ եվրոպական երկիրը։ 7 մարզաձևերում Հայաստանը կներկայացնի 21 մարզիկ։

Բացման արարողության ժամանակ Հայաստանի դրոշակակիրը կլինի սամբոյի Եվրոպայի պատանիների առաջնության բրոնզե մեդալակիր Ռոբերտ Սիմոնյանը, հաղորդում է ԿԳՄՍՆ-ի մամուլի ծառայությունը:

Հայաստանի թիմից բացի Խաղերին կմասնակցեն Աֆղանստանի, Պակիստանի, Հնդկաստանի, Իրանի, Մոնղոլիայի, Ղազախստանի, Ղրղզստանի, Լիբանանի, Թաիլանդի, Թուրքմենստանի, Ուզբեկստանի, Թաթարստանի, Բաշկորտոստանի, Սիբիրի, Ուրալի, Սախայի, Հեռավորարեւելյան դաշնային շրջանի, Պրիմորիեի եւ Մոսկվայի թիմերը։

Հետևեք NEWS.am SPORT-ին Facebook-ում, Twitter և Telegram-ում