«Ռոմայի» եւ Իտալիայի հավաքականի կիսապաշտպան Նիկոլո Ձանյոլոն համաձայնության է հասել Թուրինի «Յուվենտուսի» հետ պայմանագրի շուրջ, հաղորդում է Tuttosport-ը։ 22-ամյա ֆուտբոլիստը կկնքի հինգ տարվա պայմանագիր եւ կստանա տարեկան չորս միլիոն եվրո աշխատավարձ։
«Յուվենտուսը» պատրաստ է նաեւ 10 միլիոն եվրոյով վարձակալել Ձանյոլոյին, իսկ հաջորդ ամռանը գնել նրա տրանսֆերային իրավունքը 30-35 միլիոն եվրոյով։
Անցած մրցաշրջանում Ձանյոլոն «Ռոմայի» հետ մասնակցել է 42 հանդիպման, խփել 8 գոլ, կատարել 9 գոլային փոխանցում։
Նրա պայմանագիրը «Ռոմայի» հետ նախատեսված է մինչեւ 2024թ․ հունիս։
Հետևեք NEWS.am SPORT-ին Facebook-ում, Twitter և Telegram-ում