Ian Nepomniachtchi scores a crucial win against Alireza Firouzja, which brings him one step closer to overall tournament victory! #FIDECandidates pic.twitter.com/FkmTbCD3dH
— International Chess Federation (@FIDE_chess) June 30, 2022
Մադրիդում անցկացվող շախմատի աշխարհի չեմպիոնի հավակնորդների մրցաշարի 11-րդ տուրում ռուսաստանցի գրոսմայստեր Յան Նեպոմնյաշչին սեւ ֆիգուրներով պարտության մատնեց Ֆրանսիան ներկայացնող իրանցի Ալիռեզա Ֆիրուջային։ Առաջին շրջանում եւս Նեպոմնյաշչին հաղթել էր Ֆիրուջային։
Նեպոմնյաշչին 11 հնարավորից վաստակել է 8 միավոր եւ միանձնյա գլխավորում է մրցաշարային աղյուսակը։
Հաջորդ երեք տեղերում են ամերիկացիներ Ֆաբիանո Կարուանան, Հիկարու Նակամուրան եւ չինացի Դին Լիրենը։ 10 տուրից հետո նրանք ունեն 5,5-ական միավոր։
11-րդ տուրում Կարուանան խաղում է Դին Լիրենի հետ, Նակամուրայի մրցակիցը հունգարացի Ռիչարդ Ռապորտն է (4 միավոր)։
Հավակնորդների մրցաշարում կանցկացվի 14 տուր։
Հետևեք NEWS.am SPORT-ին Facebook-ում, Twitter և Telegram-ում