Պետք չէ այս մեկ հաղթանակով հանգստանալ: Ուրախ եմ, որ կարողացանք մեր ազգին այս հաղթանակով ուրախացնել:
Այս մասին լրագրողների հետ զրույցում Իռլանդիայի նկատմամբ տարած 1։0 հաշվով հաղթանակից հետո ասաց Հայաստանի հավաքականի կիսապաշտպան Արտակ Գրիգորյանը, փոխանցում է NEWS.am Sport-ի թղթակիցը:
«Ուրախ եմ, որ կարողացանք մեր ազգին ուրախացնել: Վերջին շրջանում մեր հավաքականում անհաջողություններ շատ եղան, հուսով եմ՝ կշտկվի, բոլորս էլ հասկանում ենք բարդությունը: Պետք չէ այս մեկ հաղթանակով հանգստանալ: Պետք է պատրաստվենք հաջորդ խաղին:
Առաջին խաղակեսում մրցակիցը ճնշում էր գործադրում: Պատրաստվել էինք, գիտեինք, որ այդպես էլ լինելու է եւ շատ լավ պատրաստվել էինք: Շոգն էր շատ խանգարում, բայց ուրախ եմ, որ կարողացանք հաղթել»,- ասաց Արտակ Գրիգորրյանը:
B լիգայի առաջին խմբում ընդգրկված են նաեւ Ուկրաինայի եւ Շոտլանդիայի հավաքականները, որոնք դեռ հանդիպում չեն անցկացրել Ազգերի լիգայում։
Հունիսի 8-ին Հայաստանի հավաքականը երկրորդ տուրում կհյուրընկալվի շոտլանդացիներին։
Լուսինե Շահբազյան
Ֆոտո՝ էմմա Ասատրյանի
Հետևեք NEWS.am SPORT-ին Facebook-ում, Twitter և Telegram-ում