Հայաստանի փոխչեմպիոն «Արարատ-Արմենիա» ֆուտբոլային ակումբի և գլխավոր մարզիչ Դմիտրի Գունկոյի ու նրա մարզչական շտաբի պայմանագրի ժամկետը լրացել է և կողմերը որոշել են չշարունակել համագործակցությունը, հաղորդում է երեւանյան ակումբի մամուլի ծառայությունը:
Դմիտրի Գունկոն թիմը գլխավորում էր 2021 թվականի հունիսից: «Արարատ-Արմենիան» Գունկոյի գլխավորությամբ անցկացրել է 32 խաղ, տարել 23 հաղթանակ, գրանցել 5 ոչ-ոքի և կրել 4 պարտություն:
Ակումբը շնորհակալություն է հայտնել Դմիտրի Գունկոյին և մարզչական շտաբին` համատեղ աշխատանքի, գեղեցիկ ֆուտբոլի և բազմաթիվ լավ հիշողությունների համար, մաղթել հաջողություն։
Հետևեք NEWS.am SPORT-ին Facebook-ում, Twitter և Telegram-ում