Նարեկ Մանասյան․ Լավ մենամարտեր անցկացրի, կիսաեզրափակիչում եւս լավ պայքար ստացվեց

Երեւանում ավարտված բռնցքամարտի Եվրոպայի առաջնությունում բրոնզե մեդալակիր դարձած 92 կգ քաշային Նարեկ Մանասյանը մեկնաբանել է իր մրցելույթը։

«Լավ մենամարտեր անցկացրի, կիսաեզրափակիչում եւս լավ պայքար ստացվեց: Ոչինչ չեմ կարող ասել կիսաեզրափակիչ մենամարտում մրցավարների որոշման մասին: Մեր բողոքը չի բավարարվել, մենամարտի արդյունքը չի փոխվել: Ամեն ինչ կանեմ, որ ավելիին հասնեմ հետագայում»,- ասաց Նարեկ Մանասյանը:

Եվրոպայի առաջնության կիսաեզրափակիչում Նարեկ Մանասյանը հավասար մենամարտում մրցավարների որոշմամբ պարտություն էր կրել Իսպանիայի ներկայացուցիչ Էմանուել Ռայեսից:

Հայաստանը 5-րդ տեղն է զբաղեցրել մեդալային պայքարում:

Եվրոպայի չեմպիոնները․

48 կգ քաշային կարգ՝ Սախիլ Ալախվերդովի, Վրաստան

51 կգ՝  Մարտին Մոլինա Սալվադոր, Իսպանիա

54 կգ՝ Բիլլայի Բեննամա, Ֆրանսիա

57 կգ՝ Վասիլ Ուստուրով, Բելգիա

60 կգ՝ Արտյուշ Գոմցյան, Վրաստան

63,5 կգ՝ Հովհաննես Բաչկով, Հայաստան

67 կգ՝ Վահիդ Աբասով, Սերբիա

71 կգ՝ Հարրիս Ակբար, Անգլիա

75 կգ՝ Գաբրիել Դոսսեն, Իռլանդիա

80 կգ՝ Արտյոմ Ագեեւ, Սերբիա

86 կգ՝ Գեորգի Կուշինաշվիլի, Վրաստան

92 կգ՝ Ազիզ Մուհայն, Իտալիա

+92 կգ՝ Նելվի Թայաֆաք, Գերմանիա

Լուսինե Շահբազյան

Ֆոտո՝ Էմմա Ասատրյանի

Հետևեք NEWS.am SPORT-ին Facebook-ում, Twitter և Telegram-ում