Երեւանի Կարեն Դեմիրճյանի անվան մարզահամերգային համալիրում տեղի ունեցավ բռնցքամարտի Եվրոպայի փոխչեմպիոն Ռաֆայել Հովհաննիսյանի եւ բրոնզե մեդալակիր Նարեկ Մանասյանի պարգեւատրման արարողությունը:
Ռաֆայել Հովհաննիսյանին պարգեւատրեց Հայաստանի վարչապետ Նիկոլ Փաշինյանը, որն ընտանիքի անդամների հետ ներկա էր Եվրոպայի փոխչեմպիոնի եզրափակիչ մենամարտին:
Եվրոպայի առաջնության 86 կգ քաշայինների եզրափակիչում Ռաֆայել Հովհաննիսյանը ցավալի պարտություն կրեց վրացի Գեորգի Կուշինաշվիլիին:
Նարեկ Մանասյանը կիսաեզրափակիչում հավասար մենամարտում մրցավարների որոշմամբ պարտություն էր կրել Իսպանիայի ներկայացուցիչ Էմանուել Ռայեսին: Հայաստանի հավաքականն ավարտեց պայքարը Երեւանում անցկացված Եվրոպայի առաջնությունում:
13 բռնցքամարտիկով Եվրոպայի առաջնությանը մասնակցած Հայաստանի թիմը նվաճեց 4 մեդալ՝ 1 ոսկի, 2 արծաթ եւ 1 բրոնզ: Երրորդ անգամ Եվրոպայի չեմպիոն հռչավեց Հովհաննես Բաչկովը, փոխչեմպիոններ դարձան՝ Արթուր Բազեյանը եւ Ռաֆայել Հովհաննիսյանը: Երկու բռնցքամարտիկներն էլ առաջին մեծ նվաճումն են գրանցում մեծահասակներում: Բրոնզե մեդալակիր դարձավ Նարեկ Մանասյանը:
Հայաստանը 5-րդ տեղն է զբաղեցրել մեդալային պայքարում: Առաջին տեղում Վրաստանն է: Լավագույն հնգյակում են նաեւ Սերբիան, Իսպանիան եւ Անգլիան:
Եվրոպայի չեմպիոնները․
48 կգ քաշային կարգ՝ Սախիլ Ալախվերդովի, Վրաստան
51 կգ՝ Մարտին Մոլինա Սալվադոր, Իսպանիա
54 կգ՝ Բիլլայի Բեննամա, Ֆրանսիա
57 կգ՝ Վասիլ Ուստուրով, Բելգիա
60 կգ՝ Արտյուշ Գոմցյան, Վրաստան
63,5 կգ՝ Հովհաննես Բաչկով, Հայաստան
67 կգ՝ Վահիդ Աբասով, Սերբիա
71 կգ՝ Հարրիս Ակբար, Անգլիա
75 կգ՝ Գաբրիել Դոսսեն, Իռլանդիա
80 կգ՝ Արտյոմ Ագեեւ, Սերբիա
86 կգ՝ Գեորգի Կուշինաշվիլի, Վրաստան
92 կգ՝ Ազիզ Մուհայն, Իտալիա
+92 կգ՝ Նելվի Թայաֆաք, Գերմանիա
Լուսինե Շահբազյան
Ֆոտո՝ Էմմա Ասատրյանի
Հետևեք NEWS.am SPORT-ին Facebook-ում, Twitter և Telegram-ում
19:28 , 19 ապրիլի 
19:15 , 19 ապրիլի 
18:50 , 19 ապրիլի 
18:32 , 19 ապրիլի 
17:45 , 19 ապրիլի 
16:10 , 19 ապրիլի 
15:09 , 19 ապրիլի 
14:14 , 19 ապրիլի 
13:44 , 19 ապրիլի 
13:15 , 19 ապրիլի 
