13:18  ,  28 մայիսի, 2022

Ալկարաս․ Խաչանովը հեշտ մրցակից չէ, ծանր պայքար է սպասվում

Աշխարհի 6-րդ ռակետ, 19-ամյա իսպանացի Կառլոս Ալկարասը համաշխարհային դասակարգման 25-րդ համար, ռուսաստանցի Կարեն Խաչանովի հետ առաջիկա դիմակայությունում հեշտ պայքար չի սպասում։ Թենիսիստները կմրցեն Ֆրանսիայի բաց առաջնության 1/8 եզրափակիչում։

«Մեկ անգամ եմ մարզվել Խաչանովի հետ, բայց մի քանի մրցախաղ նրա մասնակցությամբ դիտել եմ։ Նա հեշտ մրցակից չէ, ծանր պայքար է սպասվում։ Հավանում եմ այդպիսի դիմակայություններ»,- Ալկարասի խոսքը մեջբերում է «Ռոլան Գարոսի» մամուլի ծառայությունը։

Երրորդ շրջանում Ալկարասը պարտության էր մատնել ամերիկացի Սեբաստիան Կորդային (30), Խաչանովը՝ բրիտանացի Քեմերոն Նորիին (11)։

Խաչանով - Ալկարաս մրցախաղը տեղի կունենա մայիսի 29-ին։

Հետևեք NEWS.am SPORT-ին Facebook-ում, Twitter և Telegram-ում