Placement perfection
— Roland-Garros (@rolandgarros) May 27, 2022
The world No.1 extends his lead over Bedene 2-0. #RolandGarros | @DjokerNole pic.twitter.com/85onV1L8vz
«Մեծ սաղավարտի» մրցաշարերի 20-ակի չեմպիոն Նովակ Ջոկովիչը դուրս եկավ Ֆրանսիայի բաց առաջնության 1/8 եզրափակիչ։
Սերբ թենիսիստը մրցեց Սլովենիայի ներկայացուցիչ Ալյաժ Բեդենեի հետ եւ առավելության հասավ 6:3, 6:3, 6:2 հաշվով։ Մրցախաղը տեւեց 1 ժամ եւ 44 րոպե։
Նովակ Ջոկովիչի հաջորդ մրցակիցը կլինի արգենտինացի Դիեգո Շվարցմանը, որը երրորդ շրջանում 6:3, 6:1, 6:2 հաշվով պարտության է մատնել բուլղարացի Գրիգոր Դիմիտրովին։
Պայքարը շարունակում է նաեւ «Մեծ սաղավարտի» 21-ակի չեմպիոն Ռաֆայել Նադալը։ Իսպանացի թենիսիստը երրորդ շրջանում 2 ժամ եւ 12 րոպեում 6։3, 6։2, 6։4 հաշվով հաղթեց հոլանդացի Բոտիկ վան դե Զանդսխուլպին։
Նադալի հաջորդ մրցակիցը կլինի կանադացի Ֆելիքս Օժիե-Ալյասիմը, որը երրորդ շրջանում 7։6 (7:3), 7:6 (7:2), 7:5 հաշվով պարտության է մատնել սերբ Ֆիլիպ Կրաինովիչին։
«Ռոլան Գարոսի» մրցանակային հիմնադրամը 43,6 միլիոն եվրո է։
Defying physics @RafaelNadal | #RolandGarros pic.twitter.com/L1WrV5aY0l
— Roland-Garros (@rolandgarros) May 27, 2022
Հետևեք NEWS.am SPORT-ին Facebook-ում, Twitter և Telegram-ում