Անգլիական «Արսենալը», «Էվերտոնն» ու «Նյուքասլ Յունայթեդը» ամառային տրանսֆերային պատուհանի ժամանակ կպայքարեն «Բարսելոնայի» եւ Նիդեռլանդների հավաքականի հարձակվող Մեմֆիս Դեպային ձեռք բերելու համար, հաղորդում է Sport.es-ը։
Կատալոնական ակումբը պատրաստ է վաճառել 28-ամյա ֆուտբոլիստին, որի պայմանագիրը նախատեսված է մինչեւ հաջորդ մրցաշրջանի ավարտը։
Մեմֆիս Դեպայն անցած ամռանն է ազատ գործակալի կարգավիճակում միացել «Բարսելոնային»։ Իսպանիայի ընթացիկ առաջնությունում նա մասնակցել է 27 հանդիպման, խփել 12 գոլ, կատարել 2 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում