Անգլիական «Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է իսպանական «Վիլյառեալի» նկատմամբ 3։2 հաշվով հաղթանակը Չեմպիոնների լիգայի կիսաեզրափակիչի պատասխան խաղում։ Լիվերպուլյանը թիմը դուրս է եկել եզրափակիչ։
«Երբ տեսա մեր ֆուտբոլիստների առաջին շարժումները երկրորդ խաղակեսում, արդեն գիտեի, որ կարող ենք փոխել իրավիճակը առաջին խաղակեսում բաց թողած երկու գոլից հետո։ Առանձնահատուկ խաղ ստացվեց։ Կարեւոր էր տղաների արձագանքը առաջին խաղակեսի ձախողմանը։ Կյանքում էլ միշտ կարեւոր է, թե ինչպես ես արձագանքում անհաջողություններին։ Մենք պարզապես ճկուն չէինք առաջին խաղակեսում։
«Վիլյառեալն» արժանի է հարգանքի։ Ստադիոնը, թիմը, մարզիչը՝ նրանց արածն անհավանական է։ Ճնշումը մեծ էր, մենք չէինք խաղում ֆուտբոլ։ Մեզ պետք էր դարձյալ ֆուտբոլ խաղալ, եւ մենք կարողացանք դա անել երկրորդ խաղակեսում»,- Կլոպի խոսքը մեջբերում է ՈւԵՖԱ-ի մամուլի ծառայությունը։
Առաջին խաղում «Լիվերպուլը» «Վիլյառեալին» հաղթել էր 2։0 հաշվով։
Եզրափակիչի մյուս ուղեգիրը մայիսի 4-ին անցկացվելիք կիսաեզրափակիչի պատասխան խաղում կվիճարկեն Իսպանիայի չեմպիոն Մադրիդի «Ռեալն» ու Անգլիայի չեմպիոն «Մանչեսթեր Սիթին»։ Անգլիայում տեղի ունեցած առաջին խաղում 4։3 հաշվով հաղթել է մանչեսթերյան թիմը։
Հետևեք NEWS.am SPORT-ին Facebook-ում, Twitter և Telegram-ում
19:19 , 25 ապրիլի 
18:02 , 25 ապրիլի 
17:28 , 25 ապրիլի 
17:10 , 25 ապրիլի 
16:45 , 25 ապրիլի 
15:28 , 25 ապրիլի 
14:20 , 25 ապրիլի 
13:56 , 25 ապրիլի 
13:15 , 25 ապրիլի 
12:30 , 25 ապրիլի 
