Վլահովիչի գոլը «Յուվենտուսին» փրկեց պարտությունից (տեսանյութ)

Իտալիայի առաջնության 33-րդ տուրում Թուրինի «Յուվենտուսն» ընդունեց «Բոլոնիային» եւ բավարարվեց ոչ ոքի արդյունքով՝ 1։1։

52-րդ րոպեին խաղի հաշիվը բացեց «Բոլոնիայի» ավստրիացի հարձակվող Մարկո Արնաուտովիչը։

Իտալացի Մասիմիլիանո Ալեգրիի գլխավորած թիմին պարտությունից փրկեց սերբ հարձակվող Դուշան Վլահովիչի գոլը ավելացված 5-րդ րոպեին։

«Յուվենտուսը» 63 միավորով չորրորդն է, «Բոլոնիան» 13-րդն է՝ 38 միավոր։

Իտալիայի առաջնություն, 33-րդ տուր

«Յուվենտուս» - «Բոլոնիա»՝ 1։1 (տեսանյութ)

Դուշան Վլահովիչ, 90+5 - Մարկո Արնաուտովիչ, 52

Հեռացումներ․ Ադամա Սումաորո («Բոլոնիա»), 84, Գարի Մեդել,  84, երկրորդ դեղին քարտ

Հետևեք NEWS.am SPORT-ին Facebook-ում, Twitter և Telegram-ում