19:54  ,  8 ապրիլի, 2022

«Արարատ-Արմենիան» ու «Ուրարտուն» հաղթողին չպարզեցին

Հայաստանի առաջնության 25-րդ տուրում առաջատար «Արարատ-Արմենիան» ընդունեց «Ուրարտուին» եւ բավարարվեց ոչ ոքի արդյունքով: Թիմերը մեկական գոլ փոխանակեցին:

30-րդ րոպեին խաղի հաշիվը բացեց «Արարատ-Արմենիայի» հարձակվող Մաիլսոն Լիման (Կաբո Վերդե), սակայն արդեն 4 րոպե անց հավասարությունը վերականգնեց «Ուրարտուի» հարձակվող Արթուր Միրանյանը:

«Արարատ-Արմենիան» (23 խաղ) 54 միավորով գլխավորում է մրցաշարային աղյուսակը եւ 3 միավոր առաջ է երկրորդ տեղում ընթացող «Փյունիկից», որը մեկ հանդիպում քիչ է անցկացրել: «Ուրարտուն» (21 խաղ) 6-րդն է՝ 26 միավոր:

Հայաստան․ Vbet Պրեմիեր լիգա, 25-րդ տուր

«Արարատ-Արմենիա» - «Ուրարտու»՝ 1:1

Մաիլսոն Լիմա, 30, 11մ - Արթուր Միրանյան, 34

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով