Գերմանիայի չեմպիոն Մյունխենի «Բավարիան» ու անգլիական «Լիվերպուլը» դուրս եկան Չեմպիոնների լիգայի քառորդ եզրափակիչ։
«Բավարիան» 1/8 եզրափակիչի պատասխան խաղում ընդունեց ավստրիական «ՌԲ Զալցբուրգին» եւ առավելության հասավ 7։1 հաշվով։ Հեթ-տրիկի հեղինակ դարձավ լեհ հարձակվող Ռոբերտ Լեւանդովսկին, որն այս մրցաշարում 5-րդ անգամ 3 գոլ խփեց 1 խաղում։
Robert Lewandowski has now scored FIVE hat-tricks in the Champions League, only Lionel Messi and Cristiano Ronaldo have scored more (both with 8) #UCL pic.twitter.com/kC6v5rgMDC
— UEFA Champions League (@ChampionsLeague) March 8, 2022
Դուբլի հեղինակ դարձավ գերմանացի հարձակվող Թոմաս Մյուլերը։ Աչքի ընկան նաեւ գերմանացի կիսապաշտպան Սերժ Գնաբրին ու գերմանացի հարձակվող Լերոյ Սանեն։
Ավստրիայում տեղի ունեցած առաջին խաղում գրանցվել էր ոչ ոքի՝ 1։1։
Անգլիական «Լիվերպուլը» տանը խաղաց Իտալիայի չեմպիոն Միլանի «Ինտերի» հետ եւ պարտություն կրեց 0։1 հաշվով։ 61-րդ րոպեին խաղի հաշիվը բացեց հյուրերի արգենտինացի հարձակվող Լաուտարո Մարտինեսը։ 2 րոպե անց երկրորդ դեղին քարտի համար հեռացվեց «Ինտերի» չիլիացի հարձակվող Ալեքսիս Սանչեսը։
What happened next?#UCL pic.twitter.com/QHPQIUOdcX
— UEFA Champions League (@ChampionsLeague) March 8, 2022
«Լիվերպուլն» առաջին խաղում հաղթել էր 2։0 հաշվով եւ շարունակում է պայքարը։
Չեմպիոնների լիգա, 1/8 եզրափակիչ, պատասխան հանդիպում
«Բավարիա» (Գերմանիա) - «ՌԲ Զալցբուրգ» (Ավստրիա)՝ 7։1 (տեսանյութ), (առաջին խաղ՝ 1։1)
Ռոբերտ Լեւանդովսկի, 12, 11մ, 21, 11մ, 23, Սերժ Գնաբրի, 31, Թոմաս Մյուլեր, 54, 83, Լերոյ Սանե, 85 – Մաուրիտս Կերգոր, 70
«Լիվերպուլ» (Անգլիա) - «Ինտեր» (Իտալիա)՝ 0։1 (տեսանյութ), (առաջին խաղ՝ 2։0)
Լաուտարո Մարտինես, 61
Հեռացում՝ Ալեքսիս Սանչես («Ինտեր»), 63, երկրորդ դեղին քարտ
Հետևեք NEWS.am SPORT-ին Facebook-ում, Twitter և Telegram-ում