Քեյնն առաջ անցավ Անրիից ԱՊԼ-ի լավագույն ռմբարկուների ցուցակում

Լոնդոնի «Տոտենհեմի» անգլիացի հարձակվող Հարի Քեյնը Անգլիայի առաջնության 28-րդ տուրի խաղում (5։0) «Էվերտոնին» խփած 2 գոլի շնորհիվ Պրեմիեր լիգայի բոլոր ժամանակների լավագույն ռմբարկուների ցուցակում առաջ անցավ «Արսենալի» նախկին հարձակվող, ֆրանսիացի Թիերի Անրիից՝ բարձրանալով 6-րդ տեղ։ Քեյնը խփել է 176 գոլ, Անրին՝ 175 գոլ։

Արդեն առաջիկա խաղերում Քեյնը կարող է գերազանցել 4-րդ եւ 5-րդ տեղերում գտնվող արգենտինացի Սերխիո Ագուերոյին եւ անգլիացի Ֆրենկ Լեմպարդին, որոնք Պրեմիեր լիգայում խփել են 177-ական գոլ։

 Լավագույն ռմբարկուն անգլիացի Ալան Շիրերն է՝ 260 գոլ։ Երկրորդ տեղում է անգլիացի Ուեյն Ռունին է (208 գոլ), երրորդ տեղում՝ անգլիացի Էնդի Քոուլը (187 գոլ)։

Հետևեք NEWS.am SPORT-ին Facebook-ում, Twitter և Telegram-ում