12:07  ,  5 մարտի, 2022

«Բարսելոնայի» 18-ամյա նորեկը

«Բարսելոնան» 4 տարվա պայմանագիր է կնքել «Ռասինգի» 18-ամյա իսպանացի կիսապաշտպան Պաբլո Տորեի հետ։ Կատալոնական ակումբը տրանսֆերի համար վճարել է 5 միլիոն եվրո, խաղացողի հրաժարագինը սահմանվել է 100 միլիոն եվրո, հաղորդում է Sport.es-ը։ Պաբլո Տորեին իր ղեկավարած թիմում տեսնելու ցանկություն էր հայտնել Չավին։

Մինչեւ այս մրցաշրջանի ավարտը Պաբլո Տորեն կշարունակի հանդես գալ «Ռասինգում»։

Իսպանիայի երրորդ դիվիզիոնը ներկայացնող ակումբում Պաբլո Տորեն այս մրցաշրջանում մասնակցել է 23 հանդիպման, խփել 6 գոլ, կատարել 7 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում