13:03  ,  1 մարտի, 2022

Ռուսաստանցի գեղասահորդները զրկվեցին միջազգային մրցումների մասնակցելու իրավունքից

Ռուսաստանի եւ Բելառուսի գեղասահորդները զրկվեցին միջազգային մրցաշարերի մասնակցելու իրավունքից։ Որոշումն ընդունել է Չմշկավազորդների միջազգային միությունը (ISU), որն անցկացնում է բոլոր տարիքային խմբերի աշխարհի առաջնությունները։

«Ռուսաստանի եւ Բելառուսի գեղասահքի ֆեդերացիաները ներկայացնող մարզիկներն ու այլ ներկայացուցիչները չեն կարող հրավիրվել կամ մասնակցել ISU-ի միջազգային մրցումներին։

ISU Խորհուրդը կշարունակի ուշադիր հետեւել Ուկրաինայում ծավալվող իրադարձություններին եւ ըստ անհրաժեշտության կդիմի լրացուցիչ քայլերի»,- նշվում է միջազգային ֆեդերացիայի պաշտոնական հաղորդագրությունում։

Ռուսաստանի եւ Բելառուսի մարզիկները չեն կարողանա մասնակցել գեղասահքի, չմշկավազքի եւ շորթ-տրեկի միջազգային մրցումների։

Հետևեք NEWS.am SPORT-ին Facebook-ում, Twitter և Telegram-ում