Կամերունում շարունակվող ֆուտբոլի Աֆրիկյան ազգերի գավաթի խաղարկությունում խմբային փուլն ավարտեցին E խմբում ընդգրկված թիմերը։
Կոտ դ’Իվուարի հավաքականը 3։1 հաշվով պարտության մատնեց Ալժիրի թիմին եւ 7 միավորով գրավեց առաջին տեղն ու նվաճեց 1/8 եզրափակիչի ուղեգիրը։ Ալժիրի թիմը 1 միավորով եզրափակեց մրցաշարային աղյուսակն ու լքեց պայքարը։
Փլեյ-օֆֆի երկրորդ ուղեգիրը նվաճեց Հասարակածային Գվինեայի հավաքականը, որը 1։0 հաշվով հաղթանակ տարավ Սիերա Լեոնեի նկատմամբ եւ 6 միավորով գրավեց երկրորդ տեղը։ Սիերա Լեոնեն ավարտեց պայքարը։
Աֆրիկյան ազգերի գավաթ, E խումբ, երրորդ տուր
Կոտ դ’Իվուար - Ալժիր՝ 3։1 (տեսանյութ)
Ֆրանկ Կեսյե, 22, Իբրաիմ Սանգարե, 39, Նիկոլյա Պեպե, 54 – Սոֆիան Բենդեբկա, 73
Չիրացրած 11մ՝ Ռիյադ Մահրեզ (Ալժիր), 60
Սիերա Լեոնե - Հասարակածային Գվինեա՝ 0։1 (տեսանյութ)
Պաբլո, 38
Չիրացրած 11մ՝ Կեյ Կամարա (Սիերա Լեոնե), 85
Մրցաշարային դրություն․ Կոտ դ’Իվուար՝ 7 միավոր, Հասարակածային Գվինեա՝ 6, Սիերա Լեոնե՝ 2, Ալժիր՝ 1։
Հետևեք NEWS.am SPORT-ին Facebook-ում, Twitter և Telegram-ում